Эркакдан сўрашди:
— Нега қуённи отиб ўлдирдингиз? Адашмасам, сиз овчилар уюшмаси аъзоси эмасдингиз шекилли?
— Нега бу бебош қуён менинг томорқамга кириб карам ейди? Адашмасам, уям менинг оилам аъзоси эмасди шекилли?
* * *
Эр-хотин машинада меҳмонга кетишаётганди. Ярим йўлга етганда, хотин хавотир аралаш деди:
— Дадаси, тез машинани орқага ҳайданг!
— Нима бўлди?
— Газни ўчириш эсимдан чиқибди. Уйимиз ёниб кетади-я!
— Ёнмайди.
— Нимага?
— Мен ваннахонадаги кранни ёпишни унутибман.
* * *
Врач бемордан сўради:
— Ҳар куни неча соатдан ухлайсиз?
— Икки-уч соатдан.
— Бу кам-ку!
— Ҳечқиси йўқ. Мен тунлари ўн соатлаб ухлайман.
* * *
Божхона ходими навбатдаги йўловчининг буюмларини назоратдан ўтказяпти.
— Хў-ўш, демак бу сумкада ҳеч нарса йўқ. Буниси-чи? Бунисидаям тақиқланган буюм йўқ. Учинчиси… Ундаям йўқ. Менга қаранг, ўртоқ фуқаро, сумкаларингизда тақиқланган буюмлар тополмадик. Энди сиз божхонадагиларни беҳуда овора қилганингиз учун бож тўлайсиз.
