“Толибон” радикал диний-сиёсий ҳарбийлаштирилган ҳаракати вакиллари Ўзбекистон ҳудудида жойлашган Термиз шаҳрига ракета зарбалари берилган қуролни топишга муваффақ бўлди. Бу ҳақда Directorate 4 телеграм канали томонидан эълон қилинган хабарда айтилади.
Аввал хабар қилинганидек, Афғонистон ТИВ Ўзбекистоннинг Термиз шаҳрига снарядлар қулаганидан сўнг ҳодисага алоқадор шахсларни аниқлаш бўйича тергов-суриштирув ишлари олиб борилаётганини маълум қилганди.
"Толибон" ҳукуматидаги Ташқи ишлар вазирлиги матбуот котиби Абдул Каҳар Балхий ҳам сешанба куни чегара ҳудудига саккизта ракета тушганини, уларнинг бир қисми Афғонистон ҳудудига, бир қисми эса Ўзбекистон ҳудудига тушганини даъво қилмоқда.
Балхий твиттерда душман деярли 10 ой давомида жиддий хавф туғдирмаганини, аммо “ҳозир у икки дўст давлат ўртасидаги муносабатларни бузиш учун қинғир ҳаракатларни амалга ошираётганини” ёзди.
Афғонистон чегарадаги бундай бузғунчи ҳаракатлар “икки давлат ўртасидаги муносабатларда муаммо туғдирмоқчи бўлган доиралар” иши, деб ҳисоблайди, дея қўшимча қилди Толибон ҳукумати расмийси.
Шойгу уруш тугайдиган “аниқ ва шубҳасиз” санани маълум қилди
Ўзбекистон тиббиёти оғир жудоликка учради
Зеленский шуни ёдда тутиши керакки, у Ашраф Ғани каби ёки ундан ҳам баттарроқ бўлиши мумкин
