Таиланднинг собиқ бош вазири Таксин қамоқ жазосидан озод қилинди

Собиқ бош вазир ва миллиардер Таксин Чинават душанба куни шартли равишда муддатидан олдин озодликка чиқди. Уни кўчаларда кўп сонли тарафдорлари кутиб олишди. Магнат саккиз ой олдин суд томонидан тайинланган қамоқ жазосининг катта қисмини шифохонада ўтказиш орқали тўлиқ жазони ўташдан қочган эди.

​76 ёшли Чинават чорак аср давомида Таиланд сиёсатининг бош фигураси бўлиб келган. Бироқ экспертларнинг фикрича, унинг сиёсий таъсири сезиларли даражада камайган. Бунга унинг ҳибсга олиниши ва бир пайтлар мамлакатнинг катта етакчи кучи бўлган "Пхеу Тай" партиясининг шу йил бошидаги сайловларда кўрсатган энг ёмон натижаси сабаб бўлмоқда.