Бугун 23 август, 2019 йил, жума

O'ZB

Сурхондарё вилоят ҳокимлиги қарори нега бекор қилинди?

Сурхондарё вилоят ҳокимлиги қарори нега бекор қилинди?

Ўзбекистон Республикаси Рақобат тўғрисида ги қонунининг 12-моддасида Давлат бошқаруви органлари ва маҳаллий давлат ҳокимияти органларининг хўжалик юритувчи субъектлар фаолиятини амалга оширишни ёки муайян товарлар ишлаб чиқаришини ман этиши, фаолиятига аралашиши тақиқланиши белгиланган.

Сурхондарё вилоятида фаолият юритаётган суғурта компанияларнинг филиаллари фаолиятига тусқинлик қилинаётганлиги тўғрисида Суғурта компанияларнинг бош офислари жумладан, UNIVERSAL SUG URTA , ALFA INVEST акционерлик суғурта компаниялари томонидан Монополияга қарши курашиш қўмитасига мурожаат қилинган.

Маълум булишича, Сурхондарё вилояти ҳокимлигида 2019 йилнинг 7 февралида ўтказилган видео-селектор йиғилиш баёнига асосан вилоятда суғурта фаолияти билан фақатгина Сурхондарё вилоятида рўйхатдан ўтказилган суғурта компаниялари фаолият юритиши қатъий кўрсатиб ўтилган ҳамда вилоятнинг тегишли бошқарув ва назорат қилувчи давлат органларига топшириқлар берилган.

Суғурта компанияларининг мурожаати асосида мазкур ҳолат Қўмита қошида ташкил қилинган Махсус комиссияси томонидан ўрганиб чиқилиб Сурхондарё вилоят ҳокимлигига нисбатан тегишли иш қўзғатилган. Ҳокимлик томонидан қонунчиликка зид равишда суғурта компанияларига топшириқ берилганлиги тан олинган.

Монополияга қарши курашиш қўмитасининг Махсус комиссияси томонидан Сурхондарё вилоят ҳокимлигининг юқорида тилга олинган йиғилиш баёни қарори топшириқларини бекор қилиш, қонун бузилиш ҳолатини бартараф этиш бўйича тегишли кўрсатма берилган.

Натижада ҳокимлик томонидан аввал қабул қилинган йиғилиш қарорининг тегишли бандлари бекор қилиниб, бу ҳақда Сурхондарё вилоят ҳокимлиги 2019 йилнинг 8 май куни расмий равишда Қўмитага маълум қилган.

Монополияга қарши курашиш қўмитаси ахборот хизмати бу ҳақда хабар берди.

Киритилди: 14:46 14.05.2019. Ўқилди: 927 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади, ва телефон ракамни тасдиклаш керак булади!