Сигэру Исиба Япониянинг бош вазири этиб сайланди

Парламент қуйи палатасидаги овоз беришнинг иккинчи босқичи якунларига кўра, Сигэру Исиба Япониянинг янги бош вазири этиб сайланди, трансляция парламент қуйи палатаси сайтида намойиш этилди.

Иккинчи турда ҳукуматнинг амалдаги раҳбари Сигэру Исиба ва Конституциявий-демократик партиянинг асосий мухолифат кучи етакчиси Ёсихико Нода бош вазирлик учун курашди.

27 октябрь куни парламент қуйи палатаси депутатларининг умумий сайлови бўлиб ўтганидан кейин бош вазир сайлови бўйича овоз бериш зарурати пайдо бўлди. Сайловлар Либерал-демократик партия ва “Комэйто” партиясининг ҳукмрон коалициясига муваффақиятсиз якунланди: у палатадаги 465 ўриннинг 233 тасини қўлга кирита олмади. Либерал-демократик партия 247 та ўрнига 197 ўрин, “Комэйто” 32 та ўрин ўрнига 24 ўринни қўлга киритди. Сайловлар олдидан Либерал-демократик партия 465 ўриннинг ярмидан кўпини эгаллади, бу эса кутилганидек овоз беришнинг иккинчи босқичига мурожаат қилмасдан ўз партияси етакчисини бош вазирликка кўтариш имконини берди.

Биринчи турда сайланиш учун қуйи палата депутатларининг 465 овозидан ярми – 233 тасини олиш керак эди. Овоз беришнинг биринчи босқичи натижасида Исиба партиядошлари ва ҳукмрон коалициядаги шериги “Комэйто” партияси овозларини олиб, бор-йўғи 221 овоз тўплади. Конституциявий-демократик партия етакчиси Ёсихико Нода 151 овоз олди. Шу тариқа, 1994 йилдан бери 30 йил ичида биринчи марта ва тарихда тўртинчи марта сайловларнинг биринчи босқичида бош вазир сайланмади.

Аввалроқ юқори палатада овоз бериш бўлиб ўтганди. Ҳукмрон коалиция юқори палатадаги ўринларнинг ярмидан кўпроғига эга бўлгани боис, биринчи турда Сигэру Исиба бош вазир этиб сайланди.

Бош вазир Исиба сентябрь ойи охирида Либерал-демократик партия раҳбарлиги сайловида ғалаба қозонди, натижада у 1 октябрда бўлиб ўтган овоз беришнинг биринчи босқичида бош вазир этиб сайланди, чунки ўшанда Либерал-демократик партия қуйи палатадаги ўринларнинг ярмидан кўпини эгаллаб турган эди. Шундан сўнг у “халқ иродасини билиш” учун парламентни тарқатиб юбориш ва сайловлар ўтказиш ниятида эканлигини эълон қилди. Аслида, сайловлар ҳукуматнинг тез тушиб кетган рейтингини тиклаш учун керак эди. Исибадан олдинги, собиқ бош вазир Фумио Кисида даврида Вазирлар Маҳкамасининг рейтинги 20 фоизгача тушиб кетган эди, деб хабар беради ria.ru.