Хитой ҳукумати икки давлат ўртасидаги дўстлик рамзи сифатида АҚШга иккита панда юборади. Бу ҳақда Хитой раиси Си Жинпинг АҚШ президенти Доналд Трамп томонидан Оқ уйда ташкил этилган кутиб олиш маросимидаги нутқида маълум қилди.
«Улкан панда ҳар доим Хитой ва америкаликлар ўртасидаги дўстлик рамзи бўлиб келган. Мана, яхши янгилик. Бир неча кундан сўнг иккита панда, Пин Пин ва Фу Шуан Атланта ҳайвонот боғидаги янги уйига етиб келади ва Америка халқи билан юзлашади», — деди Си Жинпинг.
Си Жинпинг 23 сентябрдан 25 сентябргача АҚШда бўлади. Бу Хитой раҳбарининг ўн йилдан ортиқ вақт ичида ушбу мамлакатга илк давлат ташрифидир.
Панда дипломатияси — Хитойнинг катта пандани хорижга юмшоқ куч воситаси сифатида юбориш амалиёти: дастлаб бепул давлат совғаси сифатида, 1980–йилларнинг ўрталаридан бошлаб эса узоқ муддатли ижара асосида. Ҳайвонлар Хитой мулки бўлиб қолади ва уларнинг бошқа мамлакат ҳайвонот боғида пайдо бўлиши одатда «алоҳида» ёки яхшиланаётган муносабатлардан дарак беради. Катта панда ёввойи ҳолда фақат Хитойда яшайди.
Россияда бир ҳафта ичида касалланганлар сони қарийб 1 миллионга етди
Зеленский ёмон хабар олди
Taftish.uz таҳририяти ва ДХХ ходимларига ҳукм ўқилди!
