Италия А Сериясининг 36-турида "Кальяри" "Милан" меҳмони бўлиб, 1:5 ҳисобида мағлуб бўлди.
Мезбонлар таркибида Пулишич дубль қилган бўлса, Беннасер, Рейндерс ва Леаулар биттадан гол урди. "Кальяри"дан эса Нандес эса жавоб қайтарди.
Легионеримиз Элдор Шомурдов асосий таркибда майдонга тушиб, 82-дақиқада алмаштирилди. У шерикларига 16 та аниқ пас бериб, дарвозага битта зарба йўллади. Ҳужумчига "Sofa Score" томонидан 6,2 балл берилди.
Шу тариқа, "Милан" иккинчи ўринга мустаҳкам ўрнашиб олди. "Кальяри" 15-поғонада бормоқда.