Шифокор: "Коронавируснинг учинчи тўлқини ҳам, албатта, бўлади"

Aмерикалик шифокор Чад Крилич агар ҳукумат ва фуқаролар зарур чораларни кўрмаса, коронавирусга чалинганлар сони яна ошиши мумкинлигидан қўрқмоқда. У бу ҳақда Deutsche Welle нашрига берган интервьюсида айтиб ўтди.

У май ойининг охирида, AҚШ аста-секин чекловларни олиб ташлашни бошлаганида вирусга чалинганлар сони оша бошлаганини таъкидлади. Криличнинг сўзларига кўра, етарли миқдордаги ҳимоя, тестлар ва дори-дармонлар билан таъминлаш учун бундай тенденцияларга диққат қилиш керак.

Шифокор шунингдек, дунё вируснинг келиб чиқиши фонида бошланиши мумкин бўлган учинчи тўлқинни кутаётганини таъкидлади. "Бу уч тўлқин спектаклга ўхшаш нарса, ҳозир биз иккинчи саҳнадамиз. Учинчиси ҳам бўлади”, – деди у.

Криличнинг таъкидлашича, янги тўлқиннинг бошланиши турли омилларга боғлиқ: масалан, улар вакцинани ихтиро қилишадими ёки йўқми, шунингдек одамлар хавфсизлик чораларига қандай амал қилишади? Aммо, унинг фикрига кўра, вакцинанинг яқинда пайдо бўлиши ҳақидаги маълумот хаёлий фикрлардан воз кечишга уринишдир.

Aввалроқ Бруклин марказий касалхонасида ишлайдиган россиялик реаниматолог Евгений Пинелис Aмерика тиббиёти коронавирус эпидемиясига тайёр эмаслигини айтганди. Унинг сўзларига кўра, эпидемия авжига чиққан пайтда шифокорлар касалликни аниқлаш учун етарли тест тизимларига эга эмасдилар ва улар коронавирусни фақат аломатлар билан аниқлашлари керак эди.