ШҲТ саммити якунида Тианжин декларацияси қабул қилинди

Бу ҳақда Deutsche Welle нашри хабар бермоқда.

Мазку декларациянинг асосий бандлари қуйидагилардан иборат:

— АҚШ ва Исроил томонидан Эронга қилинган ҳужумларни қоралади, ядровий иншоотларга зарар етказилишига йўл қўйиб бўлмайди;

— Терроризмнинг барча кўринишларини кескин қоралаймиз, унга қарши курашда икки хил стандартлар бўлмаслиги керак;

— Халқаро ҳамжамиятнинг Афғонистонда тинчлик ўрнатишга қаратилган ташаббусларини қўллаб-қувватланиши зарур;

— “Евроучлик” томонидан БМТ Хавфсизлик Кенгашининг Эронга қарши санкцияларини тиклаш ташаббуси ноқонунийдир;

— Сунъий интеллектнинг ривожланиши натижасида юзага келадиган хавфсизлик хатарларини минималлаштириш учун биргаликда ишланади;

— Ядро қуролини тарқатмаслик тўғрисидаги шартноманинг барча қоидаларига қатъий ва изчил риоя қилиш шарт;

— Космосни ҳар қандай турдаги қуролларни жойлаштиришдан холи ҳудуд сифатида сақлаб қолишга чақирамиз.