– Ўғлим, олдинга таом келтирилганида энг биринчи қандай амални бажармоқ керак?
– Селфи қилмоқ керак.
– Йўқ. «Басмала»ни айтиб, ўнг қўл билан танаввул қилмоқ керак.
– Ўғлим, бирор киши бахтсиз ҳолатга тушганига йўлиқиб қолсанг, нима қилмоқ керак?
– Селфи қилмоқ керак.
– Йўқ. У инсонга, тез ёрдамга ошиқмоқ керак.
– Уйинг совуқ ва қоронғу. Газингни чумолихўрлар орқалаб кетмоқда. Ўзинг исхонада музлаб ўтирибсан. Бундай вазиятда нима қилмоқ керак?
– Хитойлик билан селфи тушмоқ керак-ми бобо?
– Шукур қилмоқ керак болажоним, шукур қилмоқ!
– Ўғлим, кўчада одамлар жанжал кўтараётганини кўрсанг, нима қилмоқ лозим?
– Тезда селфи қилмоқ лозим бобожон.
– Йўқ болам. Ораларини ислоҳ қилиб, урушни олдини олмоқ керак.
– Машҳур бир депутатни учратиб қолсанг нима қилмоқ керак?
– Селфига тушишни илтимос қилмоқ керак.
– Йўғ-а болам. Чиқарилган қонунларига ўзлари қачондан бошлаб риоя қилишларини сўрамоқ керак.
– Ўғлим, ҳали ҳам прописка олиб улгурмаган ҳамқишлоғингни кўриб қолдинг. Нима қилмоқ керак?
– Улар жиноятчилар бобажон. 102 га қўнғироқ қилмоқ керак.
– Селфи қилмоқ керак болам, селфи қилмоқ керак!
Абдуқодир МУҲАММАДРАСУЛ,
