Самарқанд вилоятида Қозоғистон Республикасига тегишли юк машинаси ағдарилиб кетган. Бу ҳақда вилоят ИИБ ЙҲХБ хабар бермоқда.
Қайд этилишича, 2021 йил 25 март куни соат тахминан 14:30лар атрофида М39 Алмати—Тошкент—Термиз халқаро автомобиль йўлининг 1080-километрида Қозоғистон Республикасига тегишли «Меrcedes-Benz 1843LS» русумли юк машинаси бошқарувни йўқотиб, йўлнинг ўнг томон четки қисмига ағдарилган.
Мазкур йўл-транспорт ҳодисаси оқибатида ҳеч ким тан жароҳати олмаган. Фақат юк автомашинаси ва унинг устига ортилган юкларга зарар етган.