Россия ва Хитой Ҳўрмуз бўғозидан ўтиш учун қулай шароитларга эга бўлади, деди Эрон Парламентининг Миллий хавфсизлик ва ташқи сиёсат қўмитаси раҳбари Иброҳим Азизи РИА Новостига.
"Биз учун стратегик муҳим бўлган давлатлар, жумладан, Хитой ва Россия, Ҳўрмуз бўғози билан боғлиқ масалаларда махсус муносабат ва қулай шароитлардан фойдаланишда давом этади", деди у.
Агентлик манбаси Москва ҳам, Пекин ҳам ҳар доим Теҳронни қўллаб-қувватлаганини ва у билан ҳамкорлик қилганини, энг қийин даврларда ҳам яқин бўлганини таъкидлади. Шунингдек, Азизининг қўшимча қилишича, Ҳўрмуз бўғози орқали юк ташиш ва транзитни ташкил қилишда иккала мамлакат ҳам алоҳида эътиборга эга бўлади. Парламент аъзоси бу савдо кемалари ва танкерларга ҳам тегишли эканлигини тушунтирди.
"Ҳўрмуз бўғози биз учун алоҳида геосиёсий аҳамиятга эга. У бизнинг ҳудудий сувларимиз ва географиямизнинг бир қисмидир, шунинг учун Эрон бу борада зарур деб ҳисоблаган ҳар қандай қарорни қабул қилиш ҳуқуқига эга ва ҳеч ким бу ҳуқуқни шубҳа остига қўёлмайди", деб хулоса қилди қўмита раҳбари.
Ҳўрмуз бўғози глобал нефть савдоси учун асосий йўналиш ҳисобланади. Теҳрон АҚШ-Исроил операциясидан кейин бу сув йўлини тўсиб қўйди. Натижада, дунёнинг аксарият мамлакатларида ёқилғи ва саноат маҳсулотлари нархларининг ошишини кузатилди.
Ҳўрмуз бўғозини очиш АҚШ ва Эрон ўртасидаги можарони тугатиш бўйича мумкин бўлган келишувда муҳокама қилинаётган масалалардан биридир.
1 июндан тарифлар ошади: олдиндан тўлов қилганлар 2 ой эски нархда тўлайди
Ўзбекистонда июнда аномал иссиқ оқибатида ҳарорат +47° гача чиқади
Нетаньяху Қуддусдаги шифохонага ётқизилди
