Россия ва Хитой АҚШга қарши баёнотга имзо чекишди

Россия президенти Владимир Путин ва Хитой раҳбари Си Цзиньпин АҚШни қийнайдиган баёнотга имзо чекишди, дея хабар беради “Риа Новости”.

Раҳбарлар баёнотда, асосан, АҚШнинг ядро келишувидан бир томонлама қоидага биноан чиққанини қоралашган. Хужжат Россия президентининг Хитойга сафари пайти имзоланган. Улар баёнотда, шунингдек, АҚШнинг Европа ва, асосан, Осиёда “ракета таҳликаси” баҳонаси билан “қилиқлар” қилаётганини кенг муҳокама қилишган.

Учрашув пайтида Россия ва Хитой ортасида янги лойиҳалар ҳам келишиб қўйилган. Хусусан, узоқ манзилли магистрал самолётлар ва оғир геликоптерларни ҳамкорликда ишлаб чиқариш режасини тузишган.