Россия Эрон ва АҚШ ўртасида воситачи бўлиши мумкин

Россия Эрон ва АҚШ ўртасидаги ядровий масала бўйича музокараларда воситачилик қилиш салоҳиятига эга. Бу ҳақда The National Interest нашри ёзди.

Нашр таҳлилига кўра, Москва ва Вашингтоннинг ядровий қурол тарқалишининг олдини олиш борасида умумий манфаатлари мавжуд. Шунингдек, Россия Эроннинг фуқаролик ядровий объектларида иштирок этади ва Теҳроннинг ички сиёсий ҳисоб-китобларини яхши тушунади.

«Россиянинг Эрон фуқаролик ядровий объектларидаги иштироки ва Теҳроннинг ички ҳисоб-китобларини тушуниши АҚШ учун камчиликдан кўра устунлик бўлиши мумкин», дейилади материалда.

Аввалроқ Москва Эрон ядровий дастури атрофидаги келишмовчиликларни тинч йўл билан ҳал этишга кўмаклашишга тайёрлигини билдирган эди.