Россия Арманистон маҳсулотларига нисбатан талабларни кучайтирди

Пашиняннинг Европа Иттифоқи билан яқинлашув ҳақидаги баёнотларидан сўнг, Россия Арманистон маҳсулотларига нисбатан талабларни кучайтирди.

"Россельхознадзор" раҳбари Сергей Данкверт идоранинг Арманистондан келтирилаётган ўсимлик ва чорвачилик маҳсулотларига нисбатан эътирозлари сақланиб қолаётганини хабар қилди.

Унинг сўзларига кўра, маҳсулотларни кузатиш имконини берувчи Евроосиё иқтисодий иттифоқи (ЕОИИ) доирасидаги ахборот тизимларининг интеграциялашуви муаммони ҳал қилиши мумкин эди. Бу ҳақда у "Россия 24" телеканалига берган интервьюсида маълум қилди, унинг сўзларидан эса INTERFAX ҳам иқтибос келтирмоқда.

Чорвачилик маҳсулотлари ҳақида гапирганда, у етказиб берилаётган маҳсулотларнинг бир қисми Арманистонга тегишли бўлмаслиги мумкинлигини таъкидлади.

Гап, хусусан, келиб чиқиши шубҳа уйғотаётган сариёғ, пишлоқ ва форель балиғи ҳақида бормоқда. Унинг сўзларига кўра, буларнинг барчаси Арманистондан келаётган етказиб беришларга, жумладан, маҳсулотларнинг кузатувчанлиги бўйича қаттиқроқ талаблар қўлланилишига олиб келди.

Данкверт юзага келган вазиятдан чиқиш йўлини ЕОИИ доирасида хавфсизликни назорат қилиш ахборот тизимларини интеграция қилишда кўрмоқда.

1 апрел куни Арманистон президенти Никол Пашинян Кремлда Путин билан учрашди. Ереваннинг Европа курси алоҳида мавзу бўлди. Путин Россия Арманистон ва Европа ўртасидаги алоқалар ривожланишига хотиржам муносабатда эканини, бироқ ҳамма нарса олдиндан келишиб олиниши кераклигини таъкидлади, чунки Европа Иттифоқи ва ЕОИИ божхона иттифоқларига бир вақтнинг ўзида аъзо бўлиш "имконсиз".

Никол Пашинян жавоб тариқасида икки бирлашманинг мос келмаслигини тан олди, лекин иккала вариантни бирлаштириш имконияти бор экан, Ереван ундан фойдаланишини, танлов вақти келганда эса қарорни мамлакат фуқаролари қабул қилишини айтиб ўтди.