«Kaabil» фильмида кўзи кўрмайдиган одамни ўйнаган Ритик Рошан вафотидан сўнг кўзларини Мумбайдаги кўз шифохоналаридан бирига қолдиришга қарор қилди. Бу ҳақда ундан тиббиёт муассасаси директори илтимос қилди.
«Мен Ракеш Рошан билан боғландим ва Ритикдан мугуз пардасини клиникага эҳсон қилишини сўрадим, — дейди доктор Натаражи. — Ракеш Ритикнинг анчадан бери шуни ўйлаб юрганини айтганида, хурсанд бўлдим. Кейин Ритик билан гаплашдим. У мени туғилган кунига таклиф қилди ва ўша куниёқ ваъдасини бажарди. Ритик бу ахборотдан ва унинг исмидан бу муаммога одамларнинг эътиборини жалб қилиб, янги донорларни топишда фойдаланишимга рухсат берди».
Ритик ҳаёт экан, унинг кўзларига ҳеч ким тегмайди, албатта. Донорнинг мугуз пардасини фақат вафотидан сўнг олишади, аммо бунинг учун тириклигидаёқ рухсат олиш зарур.
Доктор Натаражининг айтишича, унинг марказида 200 000 та донорлик мугуз пардасига эҳтиёж бор, аммо кўпи билан 30 000 та йиғишга муваффақ бўлишади. Бу хайрли ишга Ритик Рошан қўшилгандан сўнг касалхона бутун мамлакат бўйлаб кенг ахборот кампаниясини бошлашни ва керакли миқдорда донорларни жалб қилишни режалаштиряпти.
Дарвоқе, машҳур донорлар орасида Айшвария Рай, Амитабх ва Жая Баччан, Рани Мукержи ҳамда Хема Малини ҳам бор.
Manba: zamin.uz
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
