Мадриднинг «Реал» клуби яқинлашиб келаётган ёзги трансфер ойнасида таркибни жиддий равишда қисқартиришни режалаштирмоқда. ABC нашрининг хабарига кўра, клуб раҳбарияти жамоадан кетадиган тўққиз нафар футболчидан иборат рўйхатни шакллантирган.
Манбага кўра, «қироллик клуби» олти нафар ўйинчини трансферга чиқариб, уларнинг сотувидан маблағ ишлаб олмоқчи. Ушбу рўйхатдан дарвозабон Андрей Лунин, ҳимоячилар Фран Гарсия ва Рауль Асенсио, шунингдек, Гонсало Гарсия, Дани Себальос ҳамда ярим ҳимоячи Эдуардо Камавинга ўрин олган.
Бундан ташқари, жамоанинг ёш истеъдоди Франко Мастантуоно ўйин амалиётига эга бўлиши учун ижарага берилиши кутилмоқда.
Шунингдек, икки нафар тажрибали ҳимоячи — Давид Алаба ва Даниэль Карвахаль шартномаси якунлангани сабабли Мадридни эркин агент сифатида тарк этади. Клуб улар билан ҳамкорликни узайтирмасликка қарор қилган.
Баҳодир Жалолов профессионал боксдаги 18-ғалабасини тантана қилди (ВИДЕО)
«Реал» ичидаги «сотқин» топилди
Месси ўзига ўхшаган энг иқтидорли ёш футболчи кимлигини айтди
