Испания терма жамоаси ва Мадриднинг “Реал” клуби ярим ҳимоячиси Марко Асенсио Испания чемпионатини Италия А Сериясига ўзгартириши мумкин. Calciomercatoweb хабарига кўра, 26 ёшли футболчига португалиялик Жозе Моуриньо бош мураббийлигидаги “Рома” қизиқиш билдирмоқда.
Рим клуби агар ярим ҳимоячи Николо Дзаньолони жамоада сақлаб қололмаса, Асенсиони сотиб олишга уриниб кўради.
Эслатиб ўтамиз, Марко "қироллик" клубида 2015 йилнинг ёзидан буён ўйнайди У "қаймоқранглилар" сафида 235 та ўйин ўтказиб, 49 та гол урган ва 24 та голга ассистентлик қилган.
