Мадриднинг «Реал» клуби бразилиялик ҳужумчи Винисиус Жуниорга шартномани узайтириш бўйича янги таклиф билан чиқди. ESPN хабарига кўра, Жаҳон чемпионати якунлангач, клуб деярли бир йилдан бери тўхтаб қолган музокараларни қайта тиклаган.
Манбанинг хабарига кўра, Испания клуби молиявий шартларни яхшилаган. Эндиликда Винисиусга йилига 22 миллион евро миқдорида маош таклиф қилинмоқда, ваҳоланки илгари бундан камроқ сумма ҳақида гап борган эди.
Бироқ бу таклиф ҳам футболчини қониқтирмаяпти. Хабар қилинишича, 26 ёшли бразилиялик футболчи бир мавсум учун 30 миллион евро атрофида маош олишни мўлжалламоқда. Ҳозирда унинг йиллик маоши тахминан 17,5 миллион еврони ташкил этади.
Винисиуснинг «Реал» билан амалдаги шартномаси мавсум охиригача мўлжалланган. Агар келишув узайтирилмаса, футболчи аллақачон январдан бошлаб бошқа клублар билан музокаралар олиб бориши ва дастлабки шартномани имзолаши мумкин бўлади.
ESPN маълумотларига кўра, футболчининг ўзи ва унинг вакиллари бўлажак келишувни унинг фаолиятидаги энг асосий шартнома деб ҳисоблашмоқда. Шу сабабли улар «Реал» нафақат футболчининг ёшини, балки унинг 2018 йилда клубга ўтганидан бери жамоа муваффақиятларига қўшган ҳиссасини ҳам инобатга олишини кутишмоқда.
Саудия Арабистони валиаҳд шаҳзодаси Трампни Эронга қарши бошқа ҳужумлар уюштирмасликка чақирди
Хитой электромобиллари омборларда тўпланиб қолмоқда
Флоренцияда “биринчи Cоcа-Cola” рецепти топилди
