Чеченистон раҳбари Рамзан Қодиров ўзининг телеграм каналида AҚШ шаҳарларидаги тартибсизликларни изоҳлади.
Унинг таъкидлашича, у Aмерика фуқароларининг ҳуқуқлари ҳукумат амалдорлари томонидан қўпол равишда бузилаётганини кўриб, даҳшатга тушган. "Полиция Aмерика шаҳарлари кўчаларида зўравонликни амалга оширмоқда: улар фуқароларни бўғиб ўлдирмоқдалар, калтаклашмоқда, машиналарга уришмоқда. Мен Aмерика Қўшма Штатлари расмийларидан ушбу тартибсизликни тўхтатишини талаб қиламан!. Бу ваҳшийлик”, — деб ёзди Қодиров.
Сиёсатчи AҚШ фуқароларига қарши ноқонуний ҳаракатларга чек қўйишни ва барча айбдорларни жавобгарликка тортишни талаб қилди. У халқаро ташкилотлардан AҚШ маъмуриятига қарши самарали чоралар кўришни сўради.
