Қўшма Штатлар Украина ва Россия ўртасидаги тинчликни бузди

Россиянинг Анқарадаги элчиси Алексей Ерхов Туркиянинг Cumhuriet газетасига интервью бериб, кун тартибидаги жанглар ва бошқа долзарб мавзулар ҳақида фикр билдирди.

◼️Элчининг айтишича, Россия қўшинлари Россиянинг Курск вилоятидан Украина бўлинмаларини босқичма-босқич сиқиб чиқармоқда ва шу билан бирга Украинанинг Донецк ва Луганск вилоятларида ҳам ҳужумларини давом эттирмоқда. У Украина Қуролли кучларини Запорожье атом электр станциясини ўққа тутганликда ва Курск АЭСига етиб боришга уринаётганликда айблаб, атом электр станциясидаги портлаш ҳалокатли глобал оқибатларга олиб келиши мумкинлигидан огоҳлантирди.

◼️Дипломатнинг таъкидлашича, Россия ҳар доим газ етказиб бериш бўйича ўз мажбуриятларини бажаради ва бошқа давлатларга энергетика хавфсизлиги масалаларида Украинага таянишни маслаҳат бермайди.

◼️У Туркиянинг Россияни навбатдаги тинчлик конференциясига қўшиш борасидаги саъй-ҳаракатларини олқишлади, бироқ агар Россия фақат ультиматум бериш учун таклиф қилинса, Москва иштирок этишдан бош тортишини таъкидлади.

◼️Унга кўра, уруш бошланганидан кўп ўтмай, Истанбулдаги Долмабахче саройида Украина ва Россия делегациялари ўт очишни тўхтатиш келишуви лойиҳаси бўйича келишиб олишган, аммо АҚШ ва Буюк Британия гўёки Украина президенти Зеленскийга уни қабул қилишни тақиқлаган.

◼️У урушда Украинани у ёки бу тарзда қўллаб-қувватлаётган барча НАТО давлатларини уларнинг ҳаракатлари хавфли оқибатларга олиб келиши мумкинлигидан огоҳлантирди.

◼️Элчи Туркия ва Сурия олий мартабали вакилларининг навбатдаги учрашувига тайёргарлик кўрилаётганини айтди.