Қозоғистонда олим ва муҳандислар “қаҳрамон” сифатида кўрсатилади

Қозоғистонда олим ва муҳандисларни блогерлар ўрнига “қаҳрамон” сифатида кўрсатиш таклиф этилди.

Қозоғистон парламентида олимлар ва муҳандисларнинг ижобий маданий образини шакллантириш ғояси илгари сурилди. Депутат Дихан Камзабекулининг фикрича, бугунги ёшлар тобора енгил-елпи маслаҳатчиларга тақлид қилиб, меҳнат қилмасдан катта пул топиш мумкинлигига ишонмоқда. Унинг таъкидлашича, бу дангасалик ва исрофгарчиликка олиб келиши мумкин.

Депутат ОАВ ва ижтимоий тармоқларда илм-фан ва техника соҳаси вакиллари ҳақида кўпроқ гапиришга чақирди. У бу орқали ёшларни муҳандислик-техника ва илмий йўналишларга жалб этиш мумкинлигини таъкидлади.