Қор бўрони туфайли АҚШда 2000 дан ортиқ рейслар бекор қилинди

Сешанба куни Қўшма Штатларда шимоли-шарқни қамраб олган қор бўрони туфайли камида 700 та рейс қайта режалаштирилди ва қарийб 2200 таси бекор қилинди.

Бу ҳақа FlightAware онлайн хизмати хабар бермоқда.

Хизмат маълумотларига кўра, кун давомида Қўшма Штатларга, Қўшма Штатлардан ёки Қўшма Штатлар ичида 2026 та рейс бекор қилинди, 700 таси эса кечиктирилди.

Аввалроқ АҚШ Ички хавфсизлик вазири Кристи Ноем шимоли-шарқий штатларга яна бир табиий офат яқинлашаётгани ҳақида огоҳлантирган эди. У Ню-Жерсидан жануби-шарқий Янги Англиягача бўронлар, кучли қор ёғиши ва кучли шамоллар бўлиши мумкинлигини таъкидлади. Соҳилбўйи ҳудудлари энг кўп зарар кўриши кутилмоқда.

Январь ойида Қўшма Штатларнинг катта қисмини ҳам қор ёғиши қамраб олди ва мамлакатнинг катта қисмига таъсир кўрсатди. Қаттиқ қишларга ўрганмаган жанубий Теннесси, Миссисипи ва Луизиана штатлари энг кўп зарар кўрди.