Бугун 29 март, 2024 йил, жума

O'ZB

Қашқадарёда 50 ёшли аёл келини ва набирасини ўлдирди

Қашқадарёда 50 ёшли аёл келини ва набирасини ўлдирди

Қашқадарё вилояти Ғузор туманида яшовчи 50 ёшли аёл 26 ёшли келини ва унинг 2 ёшга тўлмаган фарзандини шафқатсизларча ўлдиришда гумонланиб ушланди. 28 август куни бир нечта пичоқ жароҳатлари олган қурбонларнинг жасадлари топилган. Қотилликда гумон қилинган шахс шу куни ҳибсга олинган, деб хабар беради cентраласиан.орг.

Ғузор туманидаги иккита мустақил манбага кўра, Янгикент қишлоғида яшовчи 50 ёшли А.А. келини Р.Е.ни ўлдирганидан кейин ва унинг икки ёшга етмаган ўғли А.ни ҳам ўлдирган.

Марҳуманинг қариндошларининг айтишича, қотилликнинг сабаби қайнона ва келин ўртасидаги можаро бўлиши мумкин. Уларнинг сўзларига кўра, жанжаллар кўпинча 50 ёшли аёл ва унинг ўгай ўғлининг рафиқаси ўртасида бўлган.

— Бу оилада бир нечта ўғил бор эди. Марҳум Р.Е.нинг эри Москвага пул ишлашга кетаётган эди. Унинг онаси ўгай эди. Аёл келинига ҳаёт бермади, улар ўртасида кўпинча жанжаллар келиб чиқарди. 28 август куни соат 2-3 ларда қайнонаси келинининг хонасига кириб, унга ва набирасига пичоқ билан жароҳат етказкан. Қайнона она ва ўғилни ўлдириб, уларни кўрпа билан ёпиб қўйган, — деди манба.

Ушбу оиланинг бошқа бир қариндошига кўра, ўша куни қайнона келин ва набирасини жасадини топганини маҳалла раисига хабар қилган.

— У маҳалла раисига келини ва набираси кечки овқатдан олдин хонадан чиқмаганини айтди. "Ва мен келиннинг хонасига кирганимда, келин ва унинг боласининг жасадини кўрдим", деб тан олган аёл. Ўша куни унинг уйига бир неча милиция ходимлари ва прокурорлар келишган, — деди шафқатсиз қотиллик содир бўлган оиланинг қариндошларидан бири.

Прокуратурага яқин манбанинг сўзларига кўра, ўлдирилган куни қайнона келини ва набирасининг қотили сифатида гумонланиб, ҳибсга олинган. Тергов давомида қайнона шафқатсиз жиноятини тан олган.

Ғузар туман прокуратураси қотиллик ҳақидаги маълумотни тасдиқлади, аммо тафсилотларни ошкор эта олмаслигини қўшимча қилди.

Прокуратурага яқин манбанинг айтишича, келини ва набирасини ўлдиришда гумон қилиниб ҳибсга олинган 50 ёшли аёл вилоят полицияси тергов изоляторига жойлаштирилган.

Киритилди: 15:18 03.09.2019. Ўқилди: 5572 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!