Путин ва Трамп телефон орқали Эрон ва Украинани муҳокама қилди

Россия президенти Владимир Путин америкалик ҳамкасби Дональд Трамп билан телефон орқали суҳбатлашди.

Россия оммавий ахборот воситалари хабар беришича, бу ҳақда Россия президенти ёрдамчиси Юрий Ушаков маълум қилди.

Унинг сўзларига кўра, икки томон АҚШ-Исроилнинг Эронга қарши операцияси ва Россия-Украина можаросини ҳал қилиш бўйича уч томонлама музокараларни муҳокама қилишга эътибор қаратган.

"Тахминан бир соат давом этган суҳбат Америка президентининг ташаббуси билан бўлиб ўтди. Раҳбарлар Эрондаги вазият бўйича мазмунли ва фойдали фикр алмашишди. Суҳбат ишбилармон, очиқ ва конструктив бўлди", деди Ушаков.

Унинг қўшимча қилишича, Путин Трамп билан суҳбатида Эрондаги можарони тез сиёсий ва дипломатик йўл билан ҳал қилишга қаратилган бир қатор фикрларни билдирган ва АҚШ ва шахсан Америка раҳбарининг Украинадаги вазиятни ҳал қилишдаги воситачилик саъй-ҳаракатларини юқори баҳолаган.

Россия президенти ёрдамчисининг сўзларига кўра, Трамп Украинада тез орада сулҳ тузиш ва тинчликка эришишдан манфаатдор эканлигини билдирган.