Россия президенти Владимир Путин фармони билан АҚШ миллий хавфсизлик агентлиги собиқ ходими Эдвард Сноуденга Россия фуқаролиги берилди.
У 2013 йилда ОАВга Америка махсус хизматларининг электрон кузатув услублари ҳақида маълумот берганидан сўнг дастлаб Гонгконгга, кейин эса Россияга қочиб келган ва вақтинчалик бошпана сўраганди.
Махфий маълумотларни эълон қилганлиги учун у АҚШда 30 йилгача муддатга озодликдан маҳрум этилиши мумкин.
Эдвард Сноуден 2020 йилда Россия фуқаролигини олишга қарор қилганди.
Унинг яшаш манзили хавфсизлик мақсадларида сир тутилади.