Россия президенти Владимир Путин улкан ишсизлик даражаси ҳамда тобора ўсиб бораётган қашшоқликни дунё учун асосий хавф деб атади.
ТАСС хабарига кўра, давлат раҳбари ушбу сўзларни G20 саммитида айтиб ўтган.
"Баъзи ижобий ҳолатларга қарамай, асосий хавф ҳали ҳам улкан даражадаги ҳамда узоқ муддатли қашшоқлик ва ижтимоий тартибсизликнинг ортиши билан тўхтаб қолган оммавий ишсизлик бўлиб қолмоқда", деди Путин.
Олдинроқ Путин G20 саммитида сўзлар экан, коронавирус сабаб бўлган ҳозирги глобал иқтисодий инқирозни "Буюк Депрессия" давридаги ҳолат билан таққослаш мумкинлигини айтганди.