Польша учта АҚШнинг F-35 қирувчи самолётларини қабул қилиб олди

Американинг дастлабки учта F-35 қирувчи самолёти Польшага етиб келди.

Бу ҳақда Польша телевидениеси хабар берди.

"F-35 самолётлари жума куни АҚШнинг Техас штатидан етиб келди ва Полшанинг марказий қисмидаги Ласк шаҳридаги 32-тактик авиабазага қўнди. Ушбу қирувчи самолётларни расмий кутиб олиш маросими 12 июнга режалаштирилган", деб хабар берди телеканал.

Польша жами 32 та F-35 самолётига буюртма берган. Улар дастлаб Польшанинг баъзи F-16 қирувчи самолётлари жойлашган Ласкдаги базага, кейин эса Свидвиндаги 21-тактик авиабазага юборилади.