Навоийда пайнет қурилмасини ўғирлаган йигитлар (ёшлари 22 дан 24 гача) ушланди. Бу ҳақда вилоят ИИБ ахборот хизмати раҳбари Фаёз Қосимов маълум қилди.
Билдирилишича, Навоий шаҳрилик, бир-бирини аввалдан таниган уч нафар йигит тун ярмида Тараққиёт маҳалласи ҳудудида жойлашган пайнет қурилмасига «ҳужум» қилишган. Улар юзларига ниқоб, қўлларига тиббий қўлқоп кийиб, давлат рақами мавжуд бўлмаган автомашинага пайнет пул жўнатиш қурилмасини юклаб, ўғирлаб кетишган. Аниқланишича, қурилма ичида 5 263 000 сўм пул бўлган.
Навоий вилоят ИИБ тезкор қидирув хизмати Жиноят қидирув бошқармаси мулкий турдаги жиноятларга қарши кураш бўлими ходимлари томонидан олиб борилган тезкор саъй-ҳаракатлар натижасида шу туннинг ўзида навбатдаги режани амалга оширмоқчи бўлган уч нафар «шоввоз» қўлга олинган.
Уларга нисбатан Ўзбекистон Республикаси Жиноят кодексининг тегишли моддалари билан иш қўзғатилган. Шунингдек, етказилган 36 763 000 сўм миқдоридаги зарарни қоплаш мажбурияти юкланди.
"UzAuto Motors" 8 та янги модел чиқармоқчи
Шавкат Мирзиёев уни ташвишга солаётган масала ҳақида гапирди
Жазоир Исроилдан қўрқмайдими?
