Транспорт ходимларининг иш ташлаши сабабли Парижда 30 дан ортиқ метро бекати ёпилди.
Автотранспорт ходимларининг иш ташлаши Франциянинг энг йирик касаба уюшмаси - Умумий меҳнат конфедерацияси (CGT) чақириғи билан ўтказилмоқда. Касаба уюшмалари марказлари юқори инфляция фонида соҳа ходимларининг иш ҳақини оширишни талаб қилмоқда.
Сўнгги ойларда Франция ҳукумати инфляцияни тўхтата олмади. Миллий статистика ва иқтисодий тадқиқотлар институти (Insee) экспертларининг маълумотларига кўра, сентябр ойига келиб озиқ-овқат маҳсулотлари нархи 9,9 %га ошган.