Олий таълим билан қамраб олиш даражаси фақат пуллик ўқитиш ҳисобига оширилмаслиги керак. Бу ҳақда Президент Шавкат Мирзиёев Олий Мажлисга Мурожаатномаси вақтида айтиб ўтди.
Президентнинг маълум қилишича, 2020 йилда Ўзбекистон олий таълим муассасаларида давлат грантлари асосидаги ўринлар сони икки баробарга кўпайтирилади, қизлар учун алоҳида грант ўринлари ажратилади.
Айни вақтда, олий таълим муассасаларида мутахассисликка алоқаси бўлмаган фанлар икки баробарга қисқартирилади. Президент ёшларнинг вақтини ортиқча олмасликни таклиф қилди.