Вашингтондаги Оқ уй яқинида отишма содир бўлди, шундан сўнг АҚШ Махфий хизмати журналистларни вақтинча Шимолий Майсазордан олиб чиқиб, хавфсизликни кучайтирди.
Бу ҳақда Америка ОАВлари хабар беришмоқда.
CNN хабар беришича, Махфий хизмат Оқ уй мажмуаси яқинида жойлашган 17-кўча ва Пенсилвания авенюси чорраҳасида отишмалар содир бўлганлиги ҳақидаги хабарларни текширмоқда. Ҳодисадан сўнг, Шимолий Майсазорда қуролли агентлар аниқланди ва матбуот анжумани хонаси вақтинча ёпилди.
DC News Now мухбири Крис Фланаганнинг хабар беришича, АҚШ президенти Дональд Трамп воқеа пайтида Оқ уйда бўлган. Кейинчалик PBS ўз мухбири Лиз Ландерсга таяниб, президент соғ-саломат эканлигини хабар қилди.
Fox News хабарига кўра, Оқ уйдаги воқеа ҳал қилинди ва қуролли шахс зарарсизлантирилди. Тармоқ унинг президент қароргоҳининг хавфсиз ҳудудига кира олмаганини ва фақат унинг периметрига яқинлашганини таъкидлади.
Отишмада икки киши жароҳатлангани хабар қилинган - гумонланувчи отишмачи ва, эҳтимол, бегона одам.
ФҚБ директори Кэш Пател ФҚБ ходимлари воқеа жойига етиб борганини ва Махфий хизматни қўллаб-қувватлаётганини айтди. Унинг қўшимча қилишича, янги маълумотлар пайдо бўлиши билан жамоатчилик хабардор қилинади.
Мактабларда «Сўнгги қўнғироқ» тадбирлари қачон ўтказилиши маълум бўлди
Президентнинг янги қарори қабул қилинди
Куба АҚШга «қонли қирғин» билан таҳдид қилди
