Бугун Ўзбекистонда 100 граммлик олтин қуйма нархи илк бор 203 миллион сўмдан ошди. Шу тариқа, олтин қуймалари кетма-кет олтинчи кун рекорд кўрсаткични янгиламоқда.
Жаҳон бозорида ҳам олтин нархи яқин кунларда 5 100 доллар чегарасидан ошган эди. Айни пайтда унция нархи 5 070 доллар атрофида шаклланмоқда.
Мутахассислар олтинга бўлган талаб геосиёсий хавфлар ва бозордаги ноаниқликлар фонида юқори бўлиб қолаётганини қайд этмоқда.