Нобел қўмитаси Трампга Тинчлик мукофотини берадими?

Нобел қўмитаси Трампга Тинчлик мукофоти берилмаслиги мумкинлигига унинг муносабатидан хавотирда. Бу ҳақда Bloomberg нашри маълум қилди.

Нобел қўмитаси котиби Кристиан Берг Ҳарпвикеннинг сўзларига кўра, бу борада АҚШ президенти томонидан бевосита босим бўлмаган.

"Бироқ Тинчлик йўналишидаги Нобел мукофоти президент Доналд Трампга берилиши учун ҳам очиқ, ҳам яширин тарзда кампаниялар олиб борилмоқда", — деди Ҳарпвикен.

Аввалроқ, АҚШ президенти 2025 йилги тинчлик бўйича Нобел мукофоти айнан унга берилиши кераклигига ишонч билдиргани ҳақида хабар берган эдик.