Нетаньяху Мисрнинг ўсиб бораётган ҳарбий салоҳиятидан хавотирда

Исроил Бош вазири Беньямин Нетаньяху Мисрнинг ўсиб бораётган ҳарбий қудратидан хавотир билдирди.

Нетаньяху бу ҳақда Исроил парламентининг Ташқи ишлар ва мудофаа қўмитасининг ёпиқ йиғилишида баёнот берди.

Нетаньяхунинг сўзларига кўра, Исроил ва Миср дипломатик муносабатларга ва умумий манфаатларга эга, аммо Миср армияси ҳозирда фаол равишда мустаҳкамланмоқда. Бош вазир қўшни давлатнинг ўз ҳарбий салоҳиятини ҳаддан ташқари кучайтиришининг олдини олиш учун воқеалар ривожини диққат билан кузатиб бориш зарурлигини таъкидлади.