Нетаньяху Америка газетасини судга беришга қарор қилди

Исроил Бош вазири Беньямин Нетаньяху Американинг The New York Times (NYT) газетасини фаластинликлар ҳақидаги мақола учун судга беришга қарор қилди.

Бу ҳақда Исроил Бош вазири девони веб-сайтида эълон қилинган.

"Нетаньяху ва ташқи ишлар вазири Гидеон Саар New York Times газетасига қарши энг даҳшатли ва бузиб кўрсатилган ёлғонлардан бирини нашр этгани учун судга беришни буюрдилар", дейилади нашрда.

Идора ушбу мақола NYT журналисти Николас Кристоф томонидан ёзилганлигини таъкидлади.

"Фаластинликларни зўрлашга қарши сукунат" номли мақоласида Кристоф Исроилда фаластинлик маҳбусларга нисбатан мунтазам равишда жинсий зўравонлик ҳақида батафсил маълумот беради.

Унинг таъкидлашича, 14 нафар фаластинлик эркак ва аёл унга аскарлар, қамоқхона қўриқчилари, разведка ходимлари ва кўчманчилар томонидан жинсий қийноқлар ҳақида гапириб беришган. Унинг сўзларига кўра, бу далилларнинг баъзилари қариндошлари, адвокатлари ва бошқа гувоҳлар томонидан тасдиқланган.