НАТО бош котиби Марк Рютте Анқарада бўлиб ўтган НАТОнинг тарихий саммитида Sky News Arabia’га интервью берар экан, Туркия ва Исроил ўртасида эҳтимолий можаро юзага келса, альянс 5-моддани ишга соладими, деган саволга тўғридан-тўғри жавоб беришдан қочди. Рютте Туркияни Яқин Шарқдаги "асосий инқироз менежери" деб атади ва президент Эрдоғанни "доно етакчи" деб мақтади.
НАТО бош котиби Марк Рютте Анқара раислигида бўлиб ўтаётган НАТО саммити доирасида Яқин Шарқдаги кескинлик ва Туркиянинг минтақадаги муҳим роли ҳақида муҳим баёнотлар берди. Саммитнинг якуний декларациясида машҳур 5-моддага урғу берилди, унга кўра "бир иттифоқчига ҳужум қилиш ҳаммага ҳужум ҳисобланади," бу Рюттега қаратилган саволларнинг марказига айланди.
"Президент Эрдоған ниҳоятда доно президент. Мен президент Доналд Трампнинг Эрдоғанни доно етакчи деб баҳолаган фикрига тўлиқ қўшиламан," - деди Рютте ўз интервьюсида.
Бош котиб Эрдўғаннинг кўп йиллик давлатчилик тажрибаси ва етакчилигига ишонч билдирар экан, Туркия "назоратдан чиқиб кетадиган вазиятга тушиб қолмаслигига" ишонч билдирди.
Журналист: Агар Нетаняху можарони муқаррар қилса-чи?
Рутте: "Мен бу ҳақда тахмин қилмоқчи эмасман. 2023 йил 7 октябрда ҲАМАСнинг Исроилга қилган даҳшатли ҳужумини унутмайлик. Яъни, бу жараён Исроилдан бошланмаган"
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
