NATO АҚШ баёнотларидан норози — Германия ТИВ раҳбари

Германия ташқи ишлар вазири Johann Wadephulнинг айтишича, Америка расмийларининг айрим баёнотлари NATO доирасида норозилик ва ғазаб уйғотмоқда.

Sky News телеканалига берган интервьюсида у шундай деди:
“Вашингтондан эшитаётган айрим фикрлар туфайли бегоналашув ва ғазаб мавжуд. Биз бу масалани биргаликда муҳокама қилишимиз керак. Умумий нуқталаримизни ва НАТОнинг аҳамиятини яна бир бор аниқлаб олишни истаймиз”.

Вазирига кўра, альянс аъзолари айни пайтда ўзларини “босим остида” ҳис қилмоқда.