Наманган вилоятининг Уйчи туманида бир ёшли болакай ҳовлидаги ҳожатхона чуқурига тушиб кетди. Воқеа жойига етиб келган ФВВ қутқарувчилари тезкор ҳаракат қилиб, боланинг ҳаётини сақлаб қолишга муваффақ бўлди.
Кеча, 22 май куни соат 18:47 да Наманган вилояти, Уйчи тумани «Муборак» маҳалла фуқаролар йиғини ҳудудида жойлашган уйларнинг бирида фавқулодда ҳолат содир бўлди. Уй эгасининг 2025 йилда туғилган ўғил фарзанди эҳтиётсизлик ва назоратдан четда қолгани сабабли ҳовлидаги ҳожатхонага тушиб кетган.
Ҳодиса ҳақида хабар келиб тушгач, ФВВ қутқарувчилари зудлик билан манзилга етиб борган ва қутқарув ишларини бошлаган. Қутқарувчилардан бири ҳожатхона чуқурига тушиб, болакайни олиб чиққан.
Шифокорлар томонидан болага биринчи тиббий ёрдам кўрсатилганидан сўнг у яқинларига топширилди. Ҳозирда боланинг аҳволи яхши экани маълум қилинмоқда.
Мутахассислар ота-оналарни фарзандларини назоратсиз қолдирмасликка чақирмоқда.
Мактабларда «Сўнгги қўнғироқ» тадбирлари қачон ўтказилиши маълум бўлди
Турклар Эрондан ҳам ёмонроқ аҳволга тушади — Исроил маданият вазири
Президентнинг янги қарори қабул қилинди
