Жорий йилнинг 8 октябрь куни Норин туманида яшовчи М.М. алоқа хати билан мурожаат қилади. Унга кўра, шу йилнинг 27 сентябрь кунидан 8 октябрь кунига қадар бўлган вақт оралиғида туманда жойлашган “Учқўрғон дон маҳсулотлари” AЖ Ҳаққулобод шахобчаси омборхонасига номаълум шахс девор ошиш йўли билан кириб, у ердан умумий нархи 16361280 сўмлик 3744 кг. “Елита Aлексеевич” навли уруғлик буғдойини ўғирлаб кетганлигини маълум қилади.
Осойишталик посбонлари томонидан олиб борилган тезкор-қидирув ва суруштирув ҳаракатлари натижасида ушбу жиноятни Норин туманида яшовчи беш нафар фуқаролар содир этганлиги аниқланган.
Қилган ишидан пушаймон бўлган бу йигитлар энди қонун олдида жавоб беради.