Аргентиналик ҳужумчи ва "Барселона" сардори Лионель Месси "Реал" га қарши энг ёмон серияни такрорлади.
Бу ҳақда футбол статистикаси бўйича мутахассис Педро Мартин твиттердаги микроблогида хабар берди.
Унга кўра, ҳужумчи кетма-кет олтинчи “Эл Класико”да гол ура олмаган ва шу билан ўзининг антирекордини такрорлаган.
Охирги марта аргентиналик футболчи 2018 йилнинг 6 май куни Мадрид клуби дарвозасини ишғол қилган эди.
"Барселона" - "Реал" учрашуви 24 октябрь куни "Камп Ноу" да бўлиб ўтди ва мадридликларнинг 3:1 ҳисобидаги ғалабаси билан якунланди.