Месси пенальтисиз урилган голлар бўйича Роналдуни ортда қолдирмоқда

38 ёшли Лионель Месси бутун фаолияти давомида пенальтиларни ҳисобга олмаганда 800 та гол уриш маррасига яқинлашиб қолди. Ҳужумчи МЛСнинг «Портленд Тимберс»га қарши яқинда бўлиб ўтган ўйинида ўз ҳисобига гол ёздириб қўйди — бу унинг фаолиятидаги 910-голи бўлди. Агар ўн бир метрлик жарима зарбалари олиб ташланса, аргентиналик футболчи ҳисобида 797 та аниқ зарба мавжуд ва бу тарихдаги энг яхши кўрсаткичдир.

Ўйиндан урилган голлар рейтингида иккинчи ўринни Криштиану Роналду эгаллаб турибди — 788 та (пенальтилар билан биргаликда ҳисоблаганда — 971 та). Май ойи бошидан буён ўтказилган тўртта учрашувда Месси рақиблар дарвозасини беш бор ишғол қилди ва ушбу давр мобайнида ўз ҳисобига бешта голли узатмани ҳам қўшиб қўйди.

МЛС тўпурарлари рўйхатида саккиз карра «Олтин тўп» соҳиби 12 та гол билан иккинчи ўринни эгаллаб турибди ва фақатгина «Чикаго Файр» ҳужумчиси Уго Кёйперсдан (13 та) ортда қолмоқда.