Аргентина терма жамоаси сардори Лионель Месси 2026 йилги жаҳон чемпионати олдидан миллий жамоанинг биринчи йиғинида асосий гуруҳдан алоҳида машғулот ўтказди.
Field Level Media маълумотларига кўра, 38 ёшли футболчи амалдаги жаҳон чемпионларининг йиғинига қўшилиш учун Канзас-Сити шаҳрига етиб келган. Аргентиналиклар бўлажак турнирга тайёргарликни шу ерда бошлашди. Илк машғулот давомида Месси индивидуал дастур асосида махсус машқларни бажарди.
Хабар қилинишича, саккиз карра «Олтин тўп» соҳиби 24 май куни «Интер Майами» сафидаги учрашувдан кейин сезилган чап сон орқа қисми мушакларидаги чарчоқдан тикланиш жараёнини давом эттирмоқда.
Аргентина футбол федерациясида таъкидланишича, соғлиғида муаммоси бор футболчилар тиббий штаб билан биргаликда иш олиб бормоқда ва тикланиш жараёни ижобий кечмоқда.
Эҳтиёт чоралари кўрилаётганига қарамай, Месси Аргентина терма жамоасининг 16 июнь куни Канзас-Ситида Жазоир терма жамоасига қарши ўтадиган жаҳон чемпионатидаги илк ўйинига тўлиқ тайёр бўлиши кутилмоқда.
Турнир бошланишидан аввал Лионель Скалони бошчилигидаги жамоа яна бир ўртоқлик учрашуви ўтказади. 9 июнь куни аргентиналиклар Исландия терма жамоасига қарши майдонга тушади.
Бўлажак Мундиал Месси учун фаолиятидаги рекорд даражадаги олтинчи жаҳон чемпионати бўлади. У Аргентина терма жамоаси сафида 198 та учрашувда иштирок этиб, 116 та гол урган. Шу тариқа у миллий жамоа тарихидаги энг яхши тўпурар ва энг кўп ўйин ўтказган футболчи ҳисобланади.
Жаҳон чемпионатининг энг қиммат терма жамоалари рейтинги эълон қилинди
Канада - Ўзбекистон ўйини соат нечада бошланиши ва қайси канал орқали трансляция қилиниши маълум бўлди
«Олтин тўп»га даъвогарлар: Goal ЖЧ олдидан рейтингини янгилади
