Маълум қилинишича, соат 08:45 да Газарак–Тортули йўналиши бўйича юқори тезликда ҳаракатланаётган «Matiz» йўлни кесиб ўтаётган қизни уриб юборган. Шундан сўнг ҳайдовчи бошқарувни йўқотиб, йўл машина четидаги дарахтга урилган. Йўл-транспорт ҳодисаси оқибатида қиз оғир тан жароҳати олиб, шифохонага олиб борилган ва шу ерда вафот этган. Ҳайдовчи ва йўловчи ҳам шифохонага ётқизилган.
«Бу йўл маҳаллий аҳамиятга эга бўлиб, бу ерда ҳаракат тезлиги соатига 70 километр бўлиши керак. 5.22 ва 5.23 йўл белгилари ўрнатилган. Бу қисмда дислокацияда пиёдалар ўтиш йўлакчаси ўрнатиш кўрсатилмаган. Ҳозирда бу ерда аҳоли гавжумлиги ҳисобга олиб, йўлакча ўрнатишга келишиб олдик», — дейди йўл бўлими муҳандиси Миршараф Муродов.
Шунингдек, вилоят ЙҲХБ бўлим бошлиғи Ғайрат Турдиевнинг маълум қилишича, «авария» содир бўлган ҳудудда йўл белгилари ўрнатилган, йўл ётиқ чизиқчаси мавжуд эмас. Ушбу жойда пиёдалар йўлакчаси ташкил этиш ҳамда тезликни чекловчи белгилар ўрнатиш юзасидан Сариосиё туман ҳокимлигига сўровнома киритилган.
Тошкентда қўлга олинган депутат 14 ёшли ўғил болани зўрлаганликда айбланмоқда
1 майдан электр ва газ учун тарифларни ошириш ҳамда ижтимоий нормани жорий этиш режа қилинмоқда
Тошкентда яна бир “участкавой” пичоқланди
