Нью-Йорк полицияси таниқли америкалик қўшиқчи ва актёр Жастин Тимберлейкни маст ҳолда машина ҳайдагани учун ҳибсга олди.
У бой Нью-йоркликлар учун ёзги дам олиш маскани сифатида танилган Лонг-Айленддаги Саг Ҳарбор шаҳрида ҳибсга олинган.
Полицияси ҳозирча Тимберлейк қандай шароитда ҳибсга олингани ҳақида маълумот бермади.
43 ёшли Тимберлейк ўзининг олтинчи альбоми Everything I Thought It Was чиққандан сўнг тез орада дунё гастролларини бошлаши кутилаётганди.
Тимберлейк дунёдаги энг машҳур мусиқа санъаткорларидан биридир. У 2002 йилда ўзининг Justified номли биринчи яккахон альбомини чиқарди, у 8 миллион нусхадан ортиқ сотилган.