Марғилон шаҳридаги кўп қаватли уйлардан бирида яшовчи Маҳбуба исмли аёл бир нафар ёш фарзанди ва дугонаси Н.Мирзабоева билан бирга яшайди.
Н.Мирзабоева фоҳишалик билан шуғулланиб, Маҳбубанинг уйида “мижоз”ларни қабул қилади. Ушбу уйда фоҳишахона ташкил этилганидан хабар топган ИИБ ходимлари 2020 йил 30 апрель куни Маҳбубанинг уйига кириб келишди. Бу вақтда эса Аброр исмли шахс 150 минг сўм эвазига Н.Мирзабоева билан ушбу уйда жинсий яқинлик қилаётганди.
Яқинда бўлиб ўтган суд мажлисида Маҳбубанинг жиноий қилмиши ҳар томонлама кўриб чиқилиб, унга нисбатан амалдаги қонунларимизга биноан 360 соат мажбурий жамоат ишлари жазоси тайинланди.
Одилжон ИСМОИЛОВ, жиноят ишлари бўйича Фарғона вилояти, Марғилон шаҳар судининг раиси в.б.
Ҳусниддин ОДИЛОВ, судья ёрдамчиси.