"Манчестер Сити" 220 миллион еврога икки йирик трансферни амалга оширмоқчи

"Манчестер Сити" "Ньюкасл"дан ярим ҳимоячи Сандро Тонали ва "Ноттингем Форест"дан Эллиотт Андерсонни сотиб олиш вариантини кўриб чиқмоқда.

TeamTalk маълумотларига кўра, трансфернинг умумий қиймати 220 миллион еврога етиши мумкин ва "шаҳарликлар" бу суммани тўлашга тайёр.

Портал маълумотларига кўра, Родри ва Бернардо Силва бу ёзда жамоани тарк этишади, шунинг учун ярим ҳимояни кучайтириш керак. Тонали 2025/2026 йилги мавсумда 47 та ўйинда майдонга тушиб, учта гол урган ва еттита голли узатма берган.