Франция 15 июндан “яшил ҳудуд”га ўтиб, мамлакатда коронавирус сабабли киритилган бир қатор чекловлар енгиллаштирилади. Бу ҳақда президент Эмманюэль Макрон ўз мурожаатида маълум қилди.
“Эртанги кундан Франциянинг бутун ҳудуди Майотта ва Гвианадан ташқари, яшил ҳудудга ўтади. Эртанги кундан биз инқирознинг биринчи тўлқини акс этган саҳифани ўгира оламиз”, деб айтган Макрон.
Жумладан, мамлакатда 15 июндан болалар боғчалари, мактаблар ва коллежлар одатий тартибда барча ўқувчиларни қабул қилишга тайёр бўлади. Бундан ташқари, Париж регионида кафе ва ресторанлар ишлашига рухсат берилади.
Макрон, шунингдек, қариялар уйларига ташриф буюришга рухсат берган.
Франция президенти ўз мурожаатида мамлакатда юз бераётган оммавий тартибсизликларга ҳам тўхталиб ўтган. Унинг айтишича, фуқаролар ўз дини ва келиб чиқишидан қатъи назар ватанпарварлик ғоялари атрофида бирлашиши лозим.
Макрон ҳуқуқ-тартибот идораларининг намойишлар вақтида жамоат тартибини сақлашга қаратилган хатти-ҳаракатларини қўллаб-қувватлаган.
Тожикистонда баҳорги муддатли ҳарбий хизматга чақирув режаси 70 фоизга бажарилди
Дин ишлари бўйича қўмита ходимлари ўртасида жанжал келиб чиқдими?
Аriston компанияси миллийлаштирилгач, Россия элчиси Италия ТИВга чақиртирилди
