Исроил мудофаа вазири Исраэль Кац мамлакат Ливан жанубида хавфсизлик назоратини муддатсиз сақлаб қолиш нияти борлигини билдирди. Унинг айтишича, бу ҳудудлар Литани дарёсигача бўлган ҳудудларни қамраб олади.
Анадолу маълумотига кўра, Исроил қўшинлари Литани устидаги бешта кўприкка зарба берган. Кац улар Ҳизбуллоҳ томонидан фойдаланилганини таъкидлади. Қўшинлар қолган ўтиш жойлари ва атроф ҳудудларни назоратда ушлаб туришда давом этади.
Минглаб эмас, балки юз минглаб жанубий Ливан аҳолиси уйларини тарк этган бўлса-да, уларнинг қайтишига рухсат берилмайди. Бу қарор Исроил шимолидаги аҳоли хавфсизлигини таъминлаш зарурати билан изоҳланган. Кац Ливан ҳукуматини “Ҳизбуллоҳ”ни қуролсизлантиришда фаол эмасликда айблади.
Кескинлашувнинг янги босқичи 2 март куни Ливан ҳудудидан ракета учирилгандан сўнг бошланган. Бунга жавобан Исроил бутун мамлакат бўйлаб, жумладан Бейрут шаҳрига зарбалар бериб, қуруқликдаги операцияларни кенгайтирганини маълум қилди.
Ливан Соғлиқни сақлаш вазирлиги маълумотига кўра, можаро бошланганидан бери 1039 киши ҳалок бўлган, 2876 нафар киши яраланган. Мамлакатда ички кўчирилганлар сони 1 162 237 нафарга етган.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
АҚШ Эроннинг нефтдан тахминан 14 миллиард доллар даромад олишига имкон берди
