Тошкентда фуқарони Европа мамлакатларидан бирида ишга жойлашни ваъда қилган шахс қўлга олинди. Бу ҳақда Тошкент шаҳар ички ишлар бош бошқармаси Матбуот хизмати хабар берди.
Хабарда айтилишича, Ички ишлар органларига 29 ёшли Алишер Я. мурожаат қилган. Унинг маълум қилишича, 23 ёшли Қобилжон Н. уни Латвияда ишга жойлаштиришни ваъда қилиб, эвазига 6 минг АҚШ доллари сўраган.
6 сентябрь куни кечқурун Мирзо Улуғбек туманида 3900 АҚШ долларини олаётганида Қобилжон Н. ИИББ ходимлари томонидан қўлга олинган. Унга нисбатан Ўзбекистон Республикаси Жиноят кодексининг 168-моддаси (“Фирибгарлик”) бўйича жиноий иш қўзғатилган.
Ўзбекистон тиббиёти оғир жудоликка учради
Сирдарёда аёл ва унинг фарзандларини ўлдириб, уйни ёқиб юборишди
Шавкат Мирзиёевни ҳақоратлаб, изоҳ ёзган йигит 5 йилга қамалди
